Sport Wales National Centre

        Canolfan Genedlaethol Chwaraeon Cymru

        Sophia Gardens  |  Gerddi Sophia

        Cardiff  |  Caerdydd 

        CF11 9SW

        0300 3003123
        www.sport.wales  |  www.chwaraeon.cymru

CEO | Prif Weithredwr : Brian Davies
Chair | Cadeirydd: Baroness, Y Farwnes Tanni Grey-Thompson DBE, DL

Delyth Jewell AS

Senedd Cymru

Bae Caerdydd

Caerdydd

CF99 1SN

20.07.2023

Annwyl Gadeirydd,

Ysgrifennaf atoch yn dilyn cyhoeddi adroddiad y Pwyllgor ar honiadau’n ymwneud â honiadau o ymddygiad amhriodol o fewn Undeb Rygbi Cymru. Yn gyntaf, hoffwn ddiolch i chi a’r pwyllgor ehangach am eich ymgysylltu yn ystod yr ymchwiliad. Roedd Chwaraeon Cymru yn falch o allu rhannu ei brofiad, ei arbenigedd a’i arferion gyda’r Pwyllgor i helpu fel sail i'w waith.

O ran yr argymhellion a wnaed yn yr adroddiad, roeddwn yn teimlo ei bod yn briodol ysgrifennu’n benodol am argymhelliad 6 a oedd yn galw ar Chwaraeon Cymru i weithredu. Roedd yr argymhelliad hwnnw’n nodi:

Dylai Chwaraeon Cymru ystyried y cyllid mae’n ei ddarparu i gyrff rheoli cenedlaethol yng ngoleuni unrhyw honiadau o ymddygiad amhriodol o fewn y cyrff rheoli hyn.

Mae Chwaraeon Cymru yn derbyn yr argymhelliad. Byddai Chwaraeon Cymru, fel rhan o’i broses gallu ac atebolrwydd, bob amser yn ystyried y cyllid mae’n ei ddarparu yng ngoleuni unrhyw honiadau o ymddygiad amhriodol. Mae hyn yn berthnasol nid yn unig i Gyrff Rheoli Chwaraeon Cenedlaethol, ond ar draws ein rhwydwaith partneriaid llawn sy'n cael ei gyllido.

Bu achlysuron pan ddarparwyd gostyngiadau mewn cymorth ariannol, taliadau fesul cam neu ddisgwyliadau ychwanegol yn unol ag unrhyw gynigion i liniaru risg. Ar hyn o bryd nid oes unrhyw gynnig ffurfiol i Undeb Rygbi Cymru tra rydym yn aros am gynnydd gyda chynllun gwella penodol.

Yn ogystal, bydd ein hadolygiad o'r fframwaith gallu a'n dull o ddatblygu atebolrwydd yn cryfhau'r ymrwymiad hwn ymhellach gyda fframwaith gwell, gan gynnwys gweithredu polisi cwynion newydd.

Rwy’n gobeithio y bydd hyn yn helpu i roi sicrwydd i’r Pwyllgor nid yn unig o ran ein hymrwymiad i ddiogelu arian cyhoeddus a sicrhau ei fod mor effeithiol â phosib ymhlith y rhai rydym yn buddsoddi ynddynt, ond hefyd ein hymrwymiad parhaus i gefnogi gwelliant parhaus o fewn llywodraethu ac ymddygiadau partneriaethau ar draws y sector chwaraeon.

Yn Gywir,

Brian Davies                                                                                                                                      

Prif Weithredwr

Chwaraeon Cymru